The Cyber Hymnal ‎#15841

15841. விழித்தெழுவாய் என் ஆன்மமே

1 விழித்தெழுவாய் என் ஆன்மமே,
ஆழ் மரணத்தின் திகில் நடுவே,
வந்திடுதோ அந்நேரமே,
கொண்டு செல்ல என் கடை மூச்சில்.

2 வரும் அந்த நேரம் விரைவினிலே,
காலத்தின் சிறகினில் வந்திடுதே,
இன்பமும் பட்டதுன்பங்களும்,
இமைப்பொழுதில் மறைந்தொழியும்.

3 என்னையும் எந்தன் சுற்றோரையும்
யார் தடுப்பார் அந்தக்ஷணமதிலே,
தொடர்ந்தெனக்களித்த எச்சரிக்கை,
கேட்டேனோ நான்?அதையறியேன்.

4 வேடிக்கை கேளிக்கை தோன்றிடுதே,
திகில் பயம் என்னை சூழ்கையிலே,
மரணத்தின் அம்புகள் பறந்திடுமோ,
திண்ணமாம் பாயும் ஆழ் காயமே.

5 என் மனமே நீ உணராயோ?
அனுதினமும் சில நொடிப்பொழுதும்,
தயவாய் வானின்று தரப்பட்டதே,
அசட்டையாய் தள்ளி எறிந்தோமே.

6 எஞ்சிய காலம் பயன் படுத்து,
எழுந்தே யாவையும் ஆதாயம் செய்,
கனவில்லா வேலையில்லா செற்ப்ப காலம்,
விலைமதியாது உணர்ந்திடு நீ.

7 என் வாழ்வின் ஆண்டவர் நீரே,
தயவாய் கிருபையால் ஈந்தீரே,
என்னைவிட்டே அகலாதிரும்,
வாழ்வும் சாவும் உம் கரமே.

8 போதித்தே என்னை ஞானத்தினால்,
ஒவ்வொரு தருணமும் பயன்படுத்த,
என் காலம் குருகியே வந்திடுதே,
பேரின்ப வாழ்வுக்காய் திடப்படுத்தும்.

9 மேலோக வாழ்வுக்காய் திண்ணமாக,
கிறிஸ்துவின் இரத்தத்தால் வாழ்வடைய,
என் காலம் விரைவாய் சென்றிடினும்,
அருகிருந்தென்னை தேற்றிடுமே.

Text Information

• First Line: விழித்தெழுவாய் என் ஆன்மமே
• Title: விழித்தெழுவாய் என் ஆன்மமே
• English Title: Awake, my soul, nor slumbering lie
• Author: Anne Steele
• Translator: S. John Barathi
• Meter: LM
• Language: Tamil
• Copyright: Public Domain

Tune Information

• Name: [விழித்தெழுவாய் என் ஆன்மமே]
• Composer: John Warrington Hatton
• Meter: L.M.
• Key: D Major
• Copyright: Public Domain