Text:EN REĜA STAT' KUNVENAS
Author:Adam de S-ta Victor (XIIa centjaro)
Translator:A. J. Ashley
Tune:STOLA REGNI LAUREATUS
Composer:Wm. Pepper

5. EN REĜA STAT' KUNVENAS

En reĝa stat' kunvenas
  La glor' de Izrael',
Senato Apostola,
  Ĉe l' trono de ĉiel' ;
Al Dio, Reĝ' de reĝoj,
  Kun fort' de pura kor',
Altiĝas psalm' anĝela
  Prudenta korador'.

Ornam' de l' mondo estas
  Ĉi tiu fratular',—
La signo de l' justeco
  Al tuta la homar',
Divole de eterne
  Novgraca Ŝton' de Di'
Kun Krist' la Konstruanto
  Glorŝton' de l'Eklezi'.

El Nazareto venas
  La glora heroldar',
La krucmiliton ili
  Proklamis al homar' ;
La nokt' al nokt' instruas,
  Al tag' la lumradi',
Eĉ tiel iras ĉien
  La bela vort' de Di'.

La jug' kaj ŝarĝ' faco;ak
  Al ĉiu hom' la tem',
Ĝis lim' de l' mondo estas
  Semata vivosem' ;
Burĝonis ter' kultura
  Al glor' de l' granda Nom',
Produktis multajn fruktojn
  La fid' je l' Dio-Hom'.

De l' Templo ili estas
  La vera fundament',
Vivantaj bazoŝtonoj,
  Liganta murcement' ;
La pordoj ili estas
  De l' urbo de ĉiel',
La gentojn ili ligas
  Al sankta Izrael'.

De antaŭ ili flugu
  La malvereco for,
La fido ĉiam kresku
  Sen tim' de l' fina hor' ;
Por ke, de nia ŝuldo
  Liberaj per pardon',
Benite, ni estadu
  En gloro de la tron'.
                    Amen.

Text Information
First Line: En reĝa stat' kunvenas
Title: EN REĜA STAT' KUNVENAS
Author: Adam de S-ta Victor (XIIa centjaro)
Translator: A. J. Ashley
Language: Esperanto
Publication Date: 1923
Scripture:
Source: Himnoj Ant. kaj Mod., No. 620
Tune Information
Name: STOLA REGNI LAUREATUS
Composer: Wm. Pepper
Key: G Major



Suggestions or corrections? Contact us