كتاب الترانيم الرحية لكنائس النعمة الرسولية (الطبعة السابعة) ‎#120

120. لا يمكن أبدا أستاهل

1- لا يمكن أبدا أستاهل
تغير قلبي من الداخل
وأكون ابنك
ابنك الغالي عليك

القرار
يا أبويا السماوي
يا أبويا السماوي

2- غامرني بحبك وأنا عاصي
وقلبك فاكر مش ناسي
إن أنا ابنك
ابنك الغالي عليك

3- بحبك تنده تناديني
وقبل ما أجي لك بتجيني
ما هو أنا ابنك
ابنك الغالي عليك

4- تحن عليا وترعاني
وإيدك دايما رافعاني
علشان أنا ابنك
ابنك الغالي عليك

5- في قلب النار ألاقيك فيها
تاخدني في حضنك تطفيها
وتقول ابنك
ابنك الغالي عليك

6- بتشفي جروحي وأوجاعي
شايلني بحنان الراعي
أصل أنا ابنك
ابنك الغالي عليك

Text Information

• First Line: لا يمكن أبدا أستاهل
• Refrain First Line: يا أبويا السماوي
• Language: Arabic
• Publication Date: 2003

Tune Information

(No tune information)