رنموا للرب ‎#306

306. يسوع قال لي: "أنا حارسك"

1- يسوع قال لي: "أنا حارسك
مالك خايف من إيه؟
حملك وأخدته عنك
مالك تعبان من إيه؟
خوفك دا عدم إيمان
تعبك دا ما لوهش مكان
سلمت الدفه لمين
يحدفها شمال ويمين؟
ليه تايه يا مسكين
وانا ليك ملجأ ومعين؟
ليه تعيش في الدنيا شريد
وانت ليك كل المواعيد؟"

قرار:
دا انا عندي ليك بركات
بس انت قول لي: "هات"
أديك من غير حساب
خيرات من عِند الآب

2- في نهاية ألمي وتعبي
قلت لهم "أنا عطشان"
وفي عطشي وظمإي رويتك
وبروحي بقيت مليان
تصرخ دايما وحزين
وكأنه مالكش معين!
سلمت الدفه لمين
يحدفها شمال ويمين؟
ليه تايه يا مسكين
وانا ليك ملجأ ومعين؟
ليه تعيش في عطش وفي جوع
ليه عينيك مليانه دموع؟

3- نكست عشانك راسي
إكليلي كان أشواك
وفي موتي وجدت حياتك
بعد ما زالت خطاياك
ليه أنا شايفك زعلان؟
كان أملي تكون فرحان
سلمت الدفه لمين
يحدفها شمال ويمين؟
ليه تايه يا مسكين
وانا ليك ملجأ ومعين؟
ليه تعيش عبد ومملوك
وانت ابوك ملك الملوك؟

Text Information

• First Line: يسوع قال لي: "أنا حارسك"
• Refrain First Line: دا انا عندي ليك بركات
• Language: Arabic
• Publication Date: 2007

Tune Information

(No tune information)