TTT-Himnaro Cigneta ‎#177b

177b. Ho ĝoja son'!

1. Ho ĝoja son'! aŭskultu vi,
Nun venas la Sinjor';
Preparu kanton ĉiu lang',
Kaj tronon ĉiu kor'.

2. Li venas savi al homar'
El jugo de Satan';
Katenojn ferajn rompas li
Per ĉiopova man'.

3. Li venas al la mizerul',
Lin levas el dolor',
Kaj ankaŭ al la humilul'
Li venas kun favor'.

4. Ho Princ' de Paco, gloru ni
Al via kara nom';
"Hosana"! ĝoje sonu nun
De ĉiu danka hom'.

Text Information

• First Line: Ho ĝoja son'! aŭskultu vi,
• Title: Ho ĝoja son'!
• English Title: Hark the glad sound!
• Author: Philip Doddridge (1735)
• Translator: Leonard Ivor Gentle
• Topic: Advent
• Source: EH 21

Tune Information

• Name: RICHMOND (HAWEIS)
• Composer: Thomas Haweis