187. Ho preĝa hor'!

1. Ho preĝa hor', ho preĝa hor',
El mondaj zorgoj vi vokas for,
Petante ke ĉe l' Patra tron'
Mi ĉion petu laŭ Lia bon'.
En tempoj de ĉagren' kaj ĝen'
L' animon ofte trafis ben',
Kaj mi de l' tent' eskapis for
Pro vi, ho dolĉa preĝa hor'!

2. Ho preĝa hor', ho preĝa hor',
La ĝojon sentas mi en la kor'
De tiuj, kiuj ardas en
Atend' sopira je via ven'.
Kun tiaj mi irigas min
Al loko, kie montras sin
Vizaĝo kara de l' Sinjor',
Dum vi, ho dolĉa preĝa hor'!

3. Ho preĝa hor', ho preĝa hor',
Jen mian peton vi portos for
Al Tiu, kiu en intim'
Atendas beni min al anim'.
Ĉar diras Li: “Rigardu min,
Kaj kredu : graco gardos vin!”
Al Li do pasu ĉiu zorg'
Ĝis vi, ho dolĉa preĝa hor'!

Text Information
First Line: Ho preĝa hor', ho preĝa hor',
Title: Ho preĝa hor'!
English Title: Sweet hour of prayer!
Author: William Walford (1845)
Translator: Ros' Haruo (1999)
Language: Esperanto
Topic: Prayer; Worship Service
Tune Information
Name: SWEET HOUR
Composer: William B. Bradbury (1861)
Notes: The MIDI file has a three-measure intro. Don't start singing immediately!



Media
MIDI file: Sweet Hour
More media are available on the tune authority page.

Suggestions or corrections? Contact us