Großer Gott, wir loben dich

Full Text

1. Granda Di', ni laŭdas Vin,
Viajn verkojn ni honoras;
Kun la mond' ni klinas nin,

Kaj pro Via fort' Vin gloras.

Tra l' miljaroj restas Vi
La eterna sama Di'.

2. Antaŭ la eterna tron'
En la gloro de l' ĉieloj
Sonas unuvoĉa ton',

Ĉar savitoj kaj anĝeloj

Kantas en potenca ĥor':
"Sankta, sankta, la Sinjor'."

3. Sankta, ho, Sinjor', Regant'
De l' ĉielaj regimentoj,
Ĉiam estas Vi venkant'!

Ter', ĉielo, maroj, ventoj,

Plenas do de Via glor',
Tial laŭdas nia kor'.

4. Je honor' de l' Patro ni
Ĉie, homo kaj infano,
Kun la tuta Eklezi'

Himnas pri la Dia amo.

Kaj je l' tron' de la Savant'
Sonas nia laŭda kant'.

5. Ho, Spirito, sankta Reĝ',
Kiu ĉiam nin instruas,
Kaj konsolas; ni kun preĝ'

Antaŭ Via glor' genuas.

Kun la Fil' kaj l' Patro Vi
Ja eterne estas Di'.

Source: TTT-Himnaro Cigneta #152

Text Information

First Line: Granda Di', ni laudas Vin
Title: Großer Gott, wir loben dich
Publication Date: 1971
Copyright: This text may still be under copyright because it was published in 1971.

Timeline

Instances

Instances (1 - 1 of 1)Text InfoTune InfoTextScoreFlexScoreAudioPage Scan
TTT-Himnaro Cigneta #152TextAudio
Include 1 pre-1979 instance



Advertisements