Jesuo Parolas

Full Text

1. Infanoj, ho infanoj miaj!
Ĉu vi ne aŭdas min vokantan?
Ho, levu sin okuloj viaj!
Aŭskultu, aŭdu min plorantan.

2. Ja vane pacon vi sopiras,
Preĝante el la tuta mondo,
Se tamen ĉiu nur deziras,
Ke venka estu lia rondo.

3. Soldatoj, interbatalanta,
Murdante unu la alian,
Petegas, laŭte min vokante,
La helpon kaj la benon mian.

4. Kaj ĉiu kredas sin la prava,
Ĉar "sankta estas la afero" —
Proklamas la malvenkon sklava,
Semante pacon sur la tero!

5. Infanoj! viaj vortoj pikas
La koron mian sangadantan,
Kaj viaj preĝoj ne efikas:
Mi aŭdas preĝon nur amantan.

6. "Pardonu" estis mia vorto,
"Pardonu viajn malamikojn."
Nur amo estas vera forto:
Ĝi sola havas bonefikojn.

7. Pripensu, do, infanoj miaj!
Ĉesigu vian bataladon.
Min ne atingas vortoj viaj;
Mi ne aŭskultas malamadon.

8. Denove nun vi min krucumas,
Per akra glavo min tranĉante;
Ne miajn vortojn vi plenumas,
Kunhomojn tiel mortigante.

Source: TTT-Himnaro Cigneta #215

Author: D. Matthews

Rev. D. Matthews, A.T.S.C., evangelist, Porthcawl (Old and New Welsh and English Hymns, 1939, #35) Go to person page >

Text Information

First Line: Infanoj, ho infanoj miaj
Title: Jesuo Parolas
Original Language: Esperanto
Author: D. Matthews
Language: Esperanto



Advertisements