The Cyber Hymnal ‎#14884

14884. മാനം മഹത്വം സ്തോത്രം

പല്ലവി:
മാനം മഹത്വം സ്തോത്രം
നിനക്കു രക്ഷകാ!
ശിശുക്കൾ നിന്നെ വാഴ്ത്തി,
ഹോശാന്നാ ആർത്തവർ

1 യിസ്രായേൽ രാജൻ നീയേ
യിശ്ശായി വംശജൻ
കർത്താവിൻ ക്രിസ്തോ! വാഴ്ക
വാഴ്ത്തുന്നെങ്ങൾ നിന്നെ [പല്ലവി]

2 മാലാഖ വൃന്ദം നിന്നെ
മേലോകേ വാഴ്ത്തുന്നു
മർത്യരും സൃഷ്ടി സർവ്വം
കീർത്തിക്കുന്നെങ്ങുമേ- [പല്ലവി]

3 നിൻമാർഗേ കുരുത്തോല-
അങ്കിയും ഇട്ടവർ
യാചന, സ്തോത്രം, നിൻ മുൻ,
ഈ ജനം അർപ്പിച്ചു- [പല്ലവി]

4 നിൻ കഷ്ടനാൾ മുൻ യൂദർ
പുകഴ്ത്തി പാട്ടിനാൽ
അത്യുന്നതനാം നിന്നെ
വാഴ്ത്തുന്നിന്നെങ്ങളും- [പല്ലവി]

5 കൈക്കൊണ്ടു നീ ആ സ്തുതി
കേൾക്കെങ്ങൾ യാചന
സർവ്വ നന്മയിൻ നാഥാ
കൃപാലോ രാജാവേ!- [പല്ലവി]

6 നിൻ ഖേദം ജയം സർവ്വം
ഏകുകേ ഞങ്ങൾക്കും
മേൽ സ്വർഗ്ഗ ഗേഹേ വാഴാൻ
ക്രിസ്തോ നിൻ കൂടെന്നും [പല്ലവി]

7 അർപ്പിക്കും നിൻ മുൻ ഞങ്ങൾ
ശത്രുമേൽ വൻ ജയം
ജയത്തിൻ ഘോഷം എന്നും
ഉച്ചത്തിൽ മുഴങ്ങും [പല്ലവി]

Text Information

• First Line: യിസ്രായേൽ രാജൻ നീയേ
• Title: മാനം മഹത്വം സ്തോത്രം
• English Title: All glory, laud, and honor
• Author: Theodulph of Orleans
• Translator (English): John M. Neale
• Translator (Malayalam sts. 1-5): Unknown
• Translator (Malayalam, sts. 6-7): Simon Zachariah
• Refrain First Line: മാനം മഹത്വം സ്തോത്രം
• Meter: 76.76 D
• Language: Malayalam
• Copyright: Public Domain

Tune Information

• Name: ST. THEODULPH
• Composer: Melchior Teschner (1615)
• Meter: 76.76 D
• Key: C Major
• Copyright: Public Domain